ಭಾರತದ ಮಾನ್ಸೂನ್ ಋತುವಿನಲ್ಲಿ ವಾಡಿಕೆಗಿಂತ 20 ಪ್ರತಿಶತ ಕಡಿಮೆ ಮಳೆಯಾಗಿದೆ ಎಂದು ಹವಾಮಾನ ಇಲಾಖೆ ಹೇಳಿದೆ. ಮುಂಗಾರು ಮಳೆ ಕೊರತೆಯೂ ಈ ಮಳೆಯ ಮೇಲೆ ಹೆಚ್ಚು ಅವಲಂಬಿತವಾಗಿರುವ ಕೃಷಿ ವಲಯವನ್ನು ಕಳವಳಕ್ಕೆ ದೂಡಿದೆ.
ದೇಶದಲ್ಲಿ ಜೂನ್ 1 ರಿಂದ ಸಾಮಾನ್ಯಕ್ಕಿಂತ 20 ಪ್ರತಿಶತ ಕಡಿಮೆ ಮಳೆಯಾಗಿದೆ. ಕರ್ನಾಟಕ, ತಮಿಳುನಾಡು ಸೇರಿದಂತೆ ದಕ್ಷಿಣದ ಕೆಲವು ರಾಜ್ಯಗಳನ್ನು ಹೊರತುಪಡಿಸಿ ಬಹುತೇಕ ಎಲ್ಲಾ ಪ್ರದೇಶಗಳಲ್ಲಿಯೂ ಮಳೆ ಕೊರತೆ ಕಾಣುತ್ತಿದೆ. ಕೆಲವು ವಾಯುವ್ಯ ರಾಜ್ಯಗಳು ಶಾಖದ ಅಲೆಗಳನ್ನು ಇನ್ನೂ ಅನುಭವಿಸುತ್ತಿವೆ.
ಕೃಷಿ ವಲಯಕ್ಕೆ ಆತಂಕಕಾರಿ ಸಂದೇಶ ಭಾರತದ ಮಾನ್ಸೂನ್ ಈ ಋತುವಿನಲ್ಲಿ ಇದುವರೆಗೆ ವಾಡಿಕೆಗಿಂತ ಕಡಿಮೆ ಮಳೆಯನ್ನು ನೀಡಿದೆ ಎಂದು ಹವಾಮಾನ ಇಲಾಖೆ ಜೂನ್ 17 ರಂದು ತಿಳಿಸಿದೆ. ಇದು ದೇಶದ ಪ್ರಮುಖ ಕೃಷಿ ವಲಯಕ್ಕೆ ಆತಂಕಕಾರಿ ಸಂಕೇತ ಎಂದು ಹೇಳಿದೆ. ದೇಶದ ಅತಿದೊಡ್ಡ ಆರ್ಥಿಕತೆಯ ಆರ್ಥಿಕ ಬೆಳವಣಿಗೆಗೆ ನಿರ್ಣಾಯಕವಾದ ಬೇಸಿಗೆಯ ಮಳೆಯು ಸಾಮಾನ್ಯವಾಗಿ ಜೂನ್ 1 ರ ಸುಮಾರಿಗೆ ದಕ್ಷಿಣದಲ್ಲಿ ಪ್ರಾರಂಭವಾಗುತ್ತದೆ. ಜುಲೈ 8 ರ ಹೊತ್ತಿಗೆ ರಾಷ್ಟ್ರವ್ಯಾಪಿ ಮಳೆ ಸುರಿಯಲಿದೆ. ಇದು ರೈತರಿಗೆ ಅಕ್ಕಿ, ಹತ್ತಿ, ಸೋಯಾಬೀನ್ ಮತ್ತು ಕಬ್ಬಿನಂತಹ ಬೆಳೆಗಳನ್ನು ಬೆಳೆಯಲು ಸಹಾಯ ಮಾಡಿಕೊಡುತ್ತದೆ.
ಸೋಯಾಬೀನ್, ಹತ್ತಿ, ಕಬ್ಬು ಮತ್ತು ದ್ವಿದಳ ಧಾನ್ಯಗಳನ್ನು ಬೆಳೆಯುವ ಮಧ್ಯ ಭಾರತದಲ್ಲಿ ಮಳೆ ಕೊರತೆಯು ಶೇಕಡಾ 29 ಕ್ಕೆ ಏರಿದೆ. ಆದರೆ, ಭತ್ತ ಬೆಳೆಯುವ ದಕ್ಷಿಣ ಪ್ರದೇಶದಲ್ಲಿ ಮಾನ್ಸೂನ್ ಪ್ರಾರಂಭವಾದ ಕಾರಣ ಸಾಮಾನ್ಯಕ್ಕಿಂತ 17% ಹೆಚ್ಚು ಮಳೆಯಾಗಿದೆ ಎಂದು ಅಂಕಿಅಂಶಗಳು ತಿಳಿಸಿವೆ. ಈಶಾನ್ಯದಲ್ಲಿ ಇದುವರೆಗೆ ಸಾಮಾನ್ಯಕ್ಕಿಂತ 20% ಕಡಿಮೆ ಮಳೆಯಾಗಿದೆ ಮತ್ತು ವಾಯುವ್ಯದಲ್ಲಿ 68 % ಮಳೆ ಕಡಿಮೆಯಾಗಿದೆ.
ನೀರಾವತಿ ಇಲ್ಲದ ಕಡೆ ಅಕ್ಕಿ, ಗೋಧಿ ಮತ್ತು ಸಕ್ಕರೆಯ ವಿಶ್ವದ ಎರಡನೇ ಅತಿದೊಡ್ಡ ಉತ್ಪಾದಕರಲ್ಲಿ ಅರ್ಧದಷ್ಟು ಕೃಷಿಭೂಮಿಯು ಸಾಮಾನ್ಯವಾಗಿ ಸೆಪ್ಟೆಂಬರ್‌ವರೆಗೆ ನಡೆಯುವ ವಾರ್ಷಿಕ ಮಳೆಯ ಮೇಲೆ ಅವಲಂಬಿತವಾಗಿದೆ. ಮಾನ್ಸೂನ್ ಮಳೆಯು ಭಾರತದ 3.5 ಡಾಲರ್ ಟ್ರಿಲಿಯನ್ ಆರ್ಥಿಕತೆಗೆ ಅತ್ಯಗತ್ಯವಾಗಿದೆ. ಇದು ಕೃಷಿಗೆ ಅಗತ್ಯವಿರುವ 70% ರಷ್ಟು ನೀರನ್ನು ಪೂರೈಸುತ್ತದೆ. ಇದು ಜಲಾಶಯಗಳು ಮತ್ತು ಅಂತರ್‌ಜಲ ಮರುಪೂರಣಗೊಳಿಸುತ್ತದೆ. ಭಾರತದ ಕೃಷಿಭೂಮಿಯ ಅರ್ಧದಷ್ಟು ಭಾಗವು ನೀರಾವರಿಗೆ ಒಳಪಟ್ಟಿಲ್ಲ, ಇದು ವಾರ್ಷಿಕ ಮಾನ್ಸೂನ್ ಮಳೆಯನ್ನು ಅವಲಂಬಿಸಿದೆ. ಇದು ಸಾಮಾನ್ಯವಾಗಿ ಸೆಪ್ಟೆಂಬರ್ ವರೆಗೆ ಇರುತ್ತದೆ ಎಂದು ಹವಾಮಾನ ಇಲಾಖೆ ವರದಿ ಹೇಳಿದೆ.
